नेपाली कांग्रेसका नेता एनपी साउदले २०७८ मंसिरमा भएको १४ औं महाधिवेशनबाट आएको कार्यसमिति पुनर्स्थापित नगरेसम्म कांग्रेस एकता नहुने अभिव्यक्ति दिएका छन्।
उनले यो कुरा आज संस्थापनइतर पक्षले गरेको राष्ट्रिय भेलामा भनेका हुन्।
‘मुलुक संकटमा भएका बेला एकताको आवश्यकता छ। केही साथीहरू पदको लोभ र महत्त्वकांक्षाले विशेष महाधिवेशनमा जानुभयो। त्यसकारण सर्वोच्च अदालतको पुनरवलोकनअघि एकता गाह्रो छ,’ उनले भने, ‘१४ औं महाधिवेशन बहाल रहने कि विशेषले मान्यता पाउने भन्ने बाँकी छ। त्यसपछि मात्रै पार्टी एकताको राजनीतिक निर्णय हुन्छ। जबसम्म १४ औं महाधिवेशन कार्यसमिति पुनर्थापित हुँदैन, कांग्रेस एकता हुन सक्दैन।’
उनले बिपी कोइरालाले कोरेको मेलमिलापको नीतिअनुसार पार्टी अघि बढ्ने पनि बताए।
