नेपाली कांग्रेसका पूर्वमहामन्त्री तथा राष्ट्रिय सभा सांसद कृष्णप्रसाद सिटौलाले अराजक र विधानविपरीत विशेष महाधिवेशन गरिएको टिप्पणी गरेका छन्।
त्यस्तो महाधिवेशनलाई निर्वाचन आयोगका दुई जना न्यायाधीशले सदर गरिदिएको पनि उनले बताए।
‘अहिले एउटा आशा पलाएको छ, सर्वोच्च अदालतले सुरूदेखि नै सुनुवाइ गर्नुपर्छ। निर्वाचन आयोगको निर्णय बदर गर्नुपर्नेमा त्रुटि भएको थियो यसमा पुनरवलोकन हुँदैछ,’ संस्थापनइतरले आज गरेको राष्ट्रिय भेलामा सिटौलाले भने, ‘सर्वोच्चले गर्ने निर्णयले कांग्रेसले न्याय पाउँछ।’
उनले सभापति गगन थापालाई सभापति भन्न मन नलागेको पनि बताएका थिए।
‘हाम्रो युवा नेता हुन् गगन भाइ, अन्यथा नहोला सभापति भन्न मन लागेको छैन। अराजक ढंगले विधानविपरीत विशेष महाधिवेशन भयो। मानिसको जीवनमा गल्ती हुन्छ, उहाँले आत्मसाथ गर्नु र सच्यानु राम्रो हुन्छ त्यो बाटो अदालतले खोलिदिएको छ,’ उनले भने, ‘अब के गर्नुपर्छ उहाँलाई थाहा होला। आफै अग्रसर हुनुस्।’
उनले एकतामा सबैले जोड दिए पनि सिद्धान्त र यसको चरण हुने पनि बताएका थिए। ‘सबै छाडेर पार्टी एकता सम्भव हुन्छ? निर्वाचन आयोगले कस्तो निर्णय गरिदियो। कसैको बहकाउ र लहडमा दुई जना न्यायाधीशले निर्णय लिए?’ उनले प्रश्न गरेका थिए।
-1786712127.jpg)
