नेपाली कांग्रेसका सांसद अर्जुननरसिंह केसीले अख्तियार दुरूपयोग अनुसन्धान आयोगलाई लाचार छाया बनाउने कार्यप्रति दु:ख व्यक्त गरेका छन्।
उनले प्रतिनिधि सभाअन्तर्गत राज्य व्यवस्था तथा सुशासन समितिको आजको बैठकमा अख्तियार प्रमुखसहित आयुक्तहरूलाई केही समयअघि प्रधानमन्त्री कार्यालयमा बोलाइएको प्रसंगमा यो कुरा भनेका हुन्।
‘अख्तियार नियन्त्रित भयो। कुनै विषयमा ७ घण्टा थुनेर मुद्दा चलायो भन्ने सुनेको छु। संवैधानिक संस्थालाई लाचार छायाँ बनाउने कामप्रति दुःख व्यक्त गर्छु।,’ उनले भने।
अख्तियारले मुलुकबाहिर लगिएका भ्रष्टाचारका पैसाबारे नेपाल राष्ट्र बैंकसँग समन्वय गरेर छानबिन गर्नुपर्ने पनि उनले बताए। ‘आँट पुग्छ जस्तो लाग्दैन, तर गरोस्,’ उनले भने।
