नेपाली कांग्रेसका नितवर्तमान कार्यवाहक सभापति पूर्णबहादुर खड्काले अहिले १५ औं महाधिवेशन गर्न नहुने बताएका छन्।
पार्टी एकताको आवश्यकता र सर्वोच्च अदालतले दिएको पुनरवलोकन आदेशको विपरीत हुने असोज १६ देखि १५ औं महाधिवेशन गर्न नहुने उनको भनाइ छ।
गत पुसमा भएको विशेष महाधिवेशनबाट गगन थापा नेतृत्वमा कार्यसमिति गठन भएको थियो। उक्त विशेष महाधिवेशनमा निवर्तमान सभापति शेरबहादुर देउवा पक्ष सहभागी भएको थिएन।
नेता खड्काले कांग्रेस केन्द्रीय निर्वाचन समितिले हालै अधिवेशन कार्यतालिकाहरू जारी गरेकोतर्फ संकेत गर्दै यसबारे सर्वोच्च अदालतमा रिट लिएर जाने तयारी भइरहेको पनि उल्लेख गरेका छन्।
यस्तो छ खड्काको भनाइ-
विभिन्न संचार माध्यमहरूमा मेराे तर्फबाट पार्टीको १५ औं महाअधिबेशन राेक्न सर्वाेच्च अदालतमा रिट गएकाे तर सर्वाेच्च अदालतले विभिन्न कारण देखाई रिट दर्ता नगरेकाे भनी आएका समाचारबारे मेराे गम्भीर ध्यानाकर्षण भएकाे छ।
प्रथमतः मेराे नामबाट- मेराे तर्फबाट भदौ ५ गते सर्वाेच्च अदालतमा कुनै रिट दर्ताकाे लागि नगएकाे कुरा म सबैमा प्रष्ट पार्न चाहान्छु, यस्ताे संवेदनशील विषयमा अनुमानकाे भरमा सामाचार सम्प्रेषण नगरी दिनु हुन, सामाजिक संजालमा भ्रम नफैलाई दिनु हुन म सबैमा बिनम्रताका साथ अनुराेध गर्न चहान्छु।
तर सम्मानित सर्वाेच्च अदालतबाट हामीले पुनरावलाेकनकाे लागि दिएकाे रिट जारी भई निस्सासमेत प्राप्त भई सकेकाे अवस्थामा विशेष महाधिवेशनकाे नामबाट बनेकाे केन्द्रीय कार्यसमितिले १५ औं महाधिवेशनकाे प्रकृया अगाढि बढाउने गरी हालै गरेकाे निर्णय पार्टीको सम्पूर्ण एकताकाे अहिलेकाे ऐतिहासिक आवश्यकता र सर्वाेच्च अदालतकाे पुनरावलाेकन गर्ने आदेश दुवैकाे सरासर विपरीत छ भन्ने हाम्राे ठम्याइ छ।
यसर्थ सम्मानित सर्वाेच्च अदालतले पुनरावलाेकनबाट मुद्दाकाे अन्तिम किनारा नलगाउँदासम्म नेपाली कांग्रेसकाे १५ औं महाधिवेशनकाे सबै प्रकृया राेकि पाऊँ भनी कानुनी प्रबन्धबमाेजिम राेक्काकाे लागि सम्मानित सर्वाेच्च अदालतमा रिट-निवेदन लिएर जाने विषयमा हामी कानून व्यवसायीहरूसँग गम्भीर परामर्षमा छाैं, चाँडैनै रीट-निवेदन सर्वाेच्च अदालतमा लिएर जाने कुरा सम्बन्धित सबैमा प्रष्ट पार्न चाहन्छु।
- पूर्णबहादुर खड्का
