काठमाडौंको नागढुंगा सुरूङमार्गमा आजदेखि निजी सवारी साधन पनि सञ्चालन गर्न दिइएको छ।
९ जनासम्म यात्रु रहेका निजी सवारी साधन (कार, जिप र भ्यान) सञ्चालन गर्न खुला गरिएको हो।
यो सुरूङमार्ग एक महिनाअघि उद्घाटन गरिएको थियो। त्यो बेलादेखि आपतकालीन सवारीलाई मात्र सुरूङ प्रयोग गर्न दिइएको थियो।
सोमबार बिहान ९ बजेदेखि इमर्जेन्सी सवारी, एम्बुलेन्स, सरकारी प्लेटका सवारीसहित ९ सिटसम्मका निजी सवारी साधनलाई आवागमन खुला गरिएको नागढुंगा सुरुङ मार्ग सुरक्षा युनिटका उपप्रमुख कविराज श्रेष्ठको भनाइ छ।
परीक्षणस्वरूप यी सवारीलाई निश्चित समयका लागि सुरूङ मार्ग प्रवेश खोलिएको हो। यसपछि अन्य सवारीलाई पनि क्रमशः सुरूङ खुला गर्ने तयारी छ।
‘परीक्षणका लागि सञ्चालनमा ल्याएका छौँ। अब यो हप्ता विश्लेषण गर्छौं। चालकलाई सवारी चलाउँदाको समस्या, अनुभव के–के भयो भन्ने बुझ्छौँ,’ उनले भने। तत्कालका लागि निजी सवारीलाई पनि कुनै शुल्क नलाग्ने श्रेष्ठले बताए।
उनकाअनुसार बिहान ९ बजेदेखि साँझ ६ बजेसम्म सुरूङ सञ्चालन गरिने छ। आज बिहानदेखि गुर्जुधारास्थित फ्लाइओभरको बाटो पनि सञ्चालन गरिएको उनले जानकारी दिए। सुरूङभित्र सवारी चलाउँदा निश्चित नियम निर्धारण गरिएको छ।
प्रतिघण्टा ४० किलोमिटरभन्दा बढी गतिमा नचलाउन, सवारीको हेडलाइट बाल्न, गाडी टनेलभित्र नरोक्न, ओभरटेक गर्न नपाइने नियम राखिएको छ।
सुरूङको नियमित सञ्चालनका लागि सुरक्षा युनिट, शुल्क संकलन गर्ने युनिटसहित सुरुङभित्रका गतिविधि सीसीटीभीमार्फत निगरानी गरेर आन्तरिक तयारी भइरहेको श्रेष्ठले बताए।
तस्बिरहरू-
-1787557420.jpg)
-1787557420.jpg)
-1787557420.jpg)
-1787557419.jpg)
-1787557419.jpg)
-1787557419.jpg)
-1787557419.jpg)
-1787557419.jpg)
-1787557418.jpg)
-1787557418.jpg)
-1787557418.jpg)
-1787557418.jpg)
-1787557418.jpg)
-1787557417.jpg)
-1787557417.jpg)
-1787557417.jpg)
-1787557417.jpg)
तस्बिर- नेपाल फोटो लाइब्रेरी।
