सरकारले उद्धारको पर्खाइमा रहेकाले सके फोनमार्फत सम्भव नभएको अवस्थामा धुँवा निकालेर भए पनि संकेत दिन अनुरोध गरेको छ।
मन्त्रिपरिषदको बैठक पछि सरकारका प्रवक्ता एवं शिक्षामन्त्री सस्मित पोखरेलले सम्भव भएसम्म जिल्लाका अधिकारीहरूलाई सम्पर्क गर्न अनुरोध गरे।
‘नम्बर पनि सार्वजनिक गर्छौं। सके ह्वाट्सएपमा लोकेशन सेयर गरेर सहायक सिडिओलाई वा हटलाइन नम्बरमा सम्पर्क गर्नुहोला,’ उनले भने।
सम्भव नभएको अवस्थामा भने धुँवा बालेर भए पनि सम्पर्क गर्नका लागि उनले अनुरोध गरे।
राष्ट्रिय विपद तथा जोखिम न्यूनीकरण प्राधिकरणले पनि यस विषयमा जानकारी गराएको छ।
