एक सयभन्दा बढी युवाहरू मिलेर ‘हुंकार मधेस’ नामको नयाँ राजनीतिक अभियान गठन गरेका छन्।
अभियानले आज अवधारणा पत्र र केन्द्रीय अभियन्ताहरूको सूची सार्वजनिक गर्दै मधेस र देशको राजनीतिक, सामाजिक तथा आर्थिक रूपान्तरणका विभिन्न एजेन्डा अघि सारेको हो।
हुंकार मधेसले मौलिकतावादको वैचारिकी र सामुदायिक समाजवादको अर्थनीति स्थापित गर्ने लक्ष्य राखेको जनाएको छ।
अभियानले ‘पाँच स’ अर्थात् सनातन, संघीयता, सामाजिक न्याय, सुशासन र समृद्धिको मान्यताअनुसार शासन व्यवस्था सञ्चालन हुनुपर्ने धारणा अघि सारेको छ।
अभियानले जातीय भेदभाव तथा छुवाछूत अन्त्य गर्दै सामूहिक पहिचान कायम गर्न नामबाट थर हटाउने अभियान सञ्चालन गर्ने जनाएको छ।
साथै, एउटै व्यक्तिले पटक–पटक नेतृत्वमा रहने प्रवृत्तिको अन्त्य गर्दै पार्टी तथा लाभका पदमा एउटै व्यक्तिले दुई कार्यकालभन्दा बढी अवसर नपाउने व्यवस्था हुनुपर्ने माग गरेको छ।
अहिले ११८ जना अयानता रहे पनि यसको नेतृत्वकर्ता भने तोकिएको छैन।
केही दिनमा संयोजकको टुंगो लाग्न्ने हुंकार मधेसका अभियानता केशव झाले बताए।
हुंकार मधेसले संगठनको कार्यकारी तहको अध्यक्ष वा संयोजक बन्न ४९ वर्ष र कुनै पनि समितिमा रहन ६५ वर्षको उमेर हद प्रस्ताव गरेको छ।
संगठनमा ४० वर्ष मुनिका ४० प्रतिशत, ६० वर्ष मुनिका ४० प्रतिशत र ६० वर्षमाथिका २० प्रतिशत प्रतिनिधित्व सुनिश्चित गर्ने अवधारणा पनि अघि सारिएको छ।
अभियानले अध्यक्षीय प्रणालीको सट्टा लोकतान्त्रिक तथा सामूहिक नेतृत्व प्रणाली, राजनीति र उद्यमलाई सँगसँगै अघि बढाउने नीति तथा नेतृत्वका लागि शैक्षिक योग्यता तोक्ने प्रस्ताव गरेको छ।
पूर्वीय दर्शन, सनातन संस्कृति र ज्ञानप्रणालीको संरक्षण, संविधानका अधिकार कार्यान्वयन, संघीयतालाई अधिकारसम्पन्न बनाउने, लाल आयोगको प्रतिवेदन सार्वजनिक गर्ने तथा भ्रष्टाचारमुक्त समाज निर्माण गर्ने विषयलाई पनि एजेन्डामा समेटिएको छ।
हुंकार मधेसले ‘संघीय लोकतान्त्रिक हिन्दु गणराज्य’ घोषणा, समग्र थरुहट–मधेसलाई एक स्वायत्त प्रदेश बनाउने, चुरे संरक्षणका लागि प्राधिकरण गठन तथा किसानलाई प्रत्यक्ष सुविधा र अनुदान उपलब्ध गराउने प्रस्ताव पनि अघि सारेको छ।
साथै, आगामी १० वर्षमा नेपालको कुल जीडीपी ४२ अर्ब अमेरिकी डलरबाट ५०० अर्ब डलर पुर्याउने र प्रतिव्यक्ति आय १५ गुणाले वृद्धि गर्ने लक्ष्य सार्वजनिक गरेको छ।
-1788334994.jpg)
.JPG)
-1746513231.jpg)
