प्रधानमन्त्री बालेन शाहको भाषण यस वर्ष संयुक्त राष्ट्रसंघको महासभाका सबैभन्दा हेरिएका भाषणमा परेको छ।
राष्ट्रसंघको आधिकारिक युट्युब च्यानलमा यो समाचार तयार पार्दासम्म प्रधानमन्त्री शाहको भाषण ४ लाख ५० हजारले हेरेका छन्। यो यस वर्षका भाषणमध्ये सबभन्दा धेरै हो।
३३ लाख फलोअर भएको युट्युब च्यानलमा सहभागी सबै मुलुकका राष्ट्रपति, प्रधानमन्त्री, परराष्ट्रमन्त्री र अधिकारीहरूको भाषण अपलोड गरिएको छ।
प्रधानमन्त्री शाहको भाषण उक्त युट्युब च्यानलमा सबभन्दा धेरै हेरिएका एक सय भिडिओको सूचीमा ८७औं नम्बरमा छ।
राष्ट्रसंघको महासभामा गरेको भाषण सबैभन्दा धेरै हेरिनेमा पाकिस्तानका पूर्व प्रधानमन्त्री इमरान खानको भाषण छ। ६ वर्षअघि उनले गरेको सम्बोधनको भिडिओमा ७७ लाख भ्यूज छ।
यद्यपि आधिकारिक युट्युब च्यानल बाहेक अन्यत्र पनि यस्ता भाषण अपलोड हुने गर्दछन्। टेलिभिजनहरूले प्रत्यक्ष प्रसारण गर्छन्।
युएनको आधिकारिक युट्युब च्यानलमा यस वर्षका भाषणहरूमध्ये बालेन शाहपछि इरानाका राष्ट्रपति मसूद पेजेस्कियानको भाषण पनि ४ लाख ११ हजारले हेरेका छन्।
अमेरिकाका राष्ट्रपति डोनाल्ड ट्रम्पको भाषण यो समाचार तयार पार्दासम्म ३ लाख ९७ हजारले हेरेका छन्। इसराइलका प्रधानमन्त्री बेन्जामिन न्यातन्याहुको भाषण २ लाख १० हजारले हेरेका छन्।
युक्रेनका राष्ट्रपति भ्लादिमिर जेलेन्स्कीको भाषण ७५ हजारले हेरेका छन्। राष्ट्रसंघका महासचिव एन्टोनियो गुटेरसको भाषणमा ९६ हजार भ्यूज छ।
-1788334994.jpg)
.JPG)
-1746513231.jpg)
