नेपाली कांग्रेसका सभापति गगन थापाले देशभर भइरहेको लगातारको वर्षाका कारण जनजीवन प्रभावित भएकाले अहिलेको अवस्थामा सुरक्षालाई पहिलो प्राथमिकता दिन आग्रह गरेका छन्।
सभापति थापाले मौसम विभाग तथा सम्बन्धित निकायले जारी गरेका सूचना र स्थानीय अवस्थालाई ध्यानमा राख्दै विभिन्न जिल्लामा अधिवेशनका निर्वाचन कार्यक्रमका लागि नयाँ मिति तय गर्न यसअघि नै केन्द्रीय निर्वाचन समितिबाट पत्राचार गरिएको जानकारी दिएका छन्।
उनले आज सामाजिक सञ्जालमा फेसबुकमा लेख्दै आफ्नो–आफ्नो क्षेत्रको अवस्था बुझेर अप्ठ्यारोमा परेका नागरिकलाई आवश्यक सहयोग र समन्वय गर्न कांग्रेसका नेता तथा कार्यकर्तालाई सक्रिय रूपमा जुट्न आग्रह गरेका हुन्।
‘अहिलेको अवस्थामा सबैभन्दा पहिलो प्राथमिकता सुरक्षा हो,’ थापाले भनेका छन्।
लगातारको वर्षाका कारण देशका विभिन्न स्थानमा बाढी, पहिरो तथा सडक अवरूद्ध हुने समस्या देखिएपछि कांग्रेसका अधिवेशन अन्तर्गतका निर्वाचन कार्यक्रमसमेत प्रभावित भएका छन्।
कांग्रेसले शनिबारदेखि प्रदेश सभा र प्रतिनिधि सभा क्षेत्रीय अधिवेशन गरिरहेको छ। असोज १६ देखि १९ गतेसम्म १५ औं केन्द्रीय महाधिवेशन हुँदैछ।
यो पनि- कांग्रेसको क्षेत्रीय अधिवेशन जारी
-1788334994.jpg)
.JPG)
-1746513231.jpg)
