‘समग्र थरुहट-मधेस जोड्ने अभियान’का रूपमा सञ्चालित ‘हुंकार मधेस’ अभियानले सहजकर्ता र प्रवक्ता चयन गरेको छ।
अभियानको केन्द्रीय बैठकले १०० दिने ‘मेची-महाकाली हुलाकी यात्रा’ तथा पुनर्जागरण अभियान पश्चात् अभियानको तोकिएको योग्यता र मापदण्डका आधारमा संयोजक लगायत अन्य केन्द्रीय संरचना निर्माण गर्ने निर्णय गरेको छ।
सोही प्रक्रिया अन्तर्गत अभियानको तर्फबाट आवश्यक समन्वय, सहजता र सम्पर्क गर्नका लागि रामकुमार शर्मालाई सहजकर्ताको जिम्मेवारी तोकिएको र अभियानको आधिकारिक धारणा तथा गतिविधिहरूबारे सूचना सम्प्रेषण गर्नका लागि केशव झालाई प्रवक्ता चयन गरिएको हुंकार मधेसले विज्ञप्तिमार्फत जानकारी दिएको छ।
कात्तिक दोस्रो सातादेखि अभियान गरिने र त्यसपछि संगठनलाई पूर्णता दिने प्रवक्ता झाले बताए।
