नेपाली कांग्रेसको १५औँ महाधिवेशनअन्तर्गत क्षेत्रीय अधिवेशन तथा महाधिवेशन प्रतिनिधि चयनका लागि निर्वाचन भइरहेका छन्।
यसक्रममा कांग्रेसकी केन्द्रीय सदस्य गंगा सुनार काठमाडौं क्षेत्र नम्बर ५ बाट महाधिवेशन प्रतिनिधिमा पराजित भएकी छन्।
दलित कलस्टरतर्फ उम्मेदवार रहेकी उनलाई मेनुका भुसालले हराएकी हुन्। भुसाल बूढानीलकण्ठ नगरपालिका ६ की वडा सदस्यसमेत छिन्।
सुनार गत पुसमा भएको विशेष महाधिवेशनबाट नेपाली कांग्रेसको केन्द्रीय सदस्य बनेकी थिइन्।
केन्द्रीय सदस्य रहेकी सुनार यसपटक भने महाधिवेशन प्रतिनिधिका लागि भएको निर्वाचनमा छनोट हुन सकिनन्।
विशेष महाधिवेशनबाट कांग्रेसले संशोधन गरेको विधानअनुसार महाधिवेशनमा सहभागी हुन केन्द्रीय सदस्यसहितका नेताहरू पनि सम्बन्धित क्षेत्रबाट महाधिवेशन प्रतिनिधिका रूपमा निर्वाचित हुनुपर्ने व्यवस्था छ।
