चार्टर अकाउन्टेन्ट पदम भट्टराईले नेपाली कांग्रेसको १५औं महाधिवेशनमा केन्द्रीय सदस्यमा उम्मेदवारी दिने भएका छन्।
उनले पेसागत विषय विशेषज्ञ क्लस्टरबाट उम्मेदवारी दिने घोषणा गरेका हुन् ।
भट्टराई नेपाल विद्यार्थी संघमा सक्रिय छन्। २०७० सालमा उनी नेपाल विद्यार्थी संघ भारतको अध्यक्ष भएका थिए।
२०७८ सालमा नेपाल विद्यार्थी संघको केन्द्रीय सदस्यमा निर्वाचित भएका भट्टराई कांग्रेसको १४औं महाधिवेशनमा महासमिति सदस्य तथा महाधिवेशन प्रतिनिधि बनेका थिए।
२०८० सालमा उनी नेपाल विद्यार्थी संघको केन्द्रीय सदस्यमा पुनः मनोनित भएका थिए। हाल उनी नेपाली कांग्रेसको लेखा समिति सदस्य छन्।
विद्यार्थी संगठनदेखि पार्टीका विभिन्न जिम्मेवारीमा रहेर काम गरेको अनुभवका आधारमा आफूले पेसागत तथा विषय विशेषज्ञ क्लस्टरबाट केन्द्रीय सदस्यमा उम्मेदवारी दिन लागेको भट्टराईले बताएका छन्।
उनले पेसागत क्षेत्रमा रहेका विज्ञ तथा विशेषज्ञको ज्ञान, अनुभव र दक्षतालाई पार्टीको नीति निर्माणसँग जोड्ने विषयलाई आफ्नो प्राथमिकतामा राखेका छन्।
