नेपाली कांग्रेसका युवा नेता तथा गण्डकी प्रदेशसभा सदस्य डिल्लीराम सुवेदीले पार्टीको १५औँ महाधिवेशनमा सहमहामन्त्री पदमा उम्मेदवारी घोषणा गरेका छन्।
बागलुङ क्षेत्र नम्बर १ बाट महाधिवेशन प्रतिनिधिमा निर्वाचित सुवेदीले पार्टीको नेतृत्वमा युवा पुस्ताको सहभागिता र भूमिका बढाउन सहमहामन्त्री खुलातर्फ उम्मेदवारी दिएको बताएका छन्।
सुवेदीले विद्यार्थी राजनीतिबाट आफ्नो राजनीतिक यात्रा अघि बढाएका हुन्।
उनी शिक्षा क्याम्पसको स्वतन्त्र विद्यार्थी युनियन (स्ववियु) सभापति हुँदै नेपाल विद्यार्थी संघ (नेविसंघ) को केन्द्रीय उपाध्यक्षसमेत भइसकेका छन्।
शिक्षा क्षेत्रमा सक्रिय सुवेदी शिक्षाका लागि राष्ट्रिय अभियान नेपाल (एनसीई नेपाल) का अध्यक्षसमेत रहेर काम गरेका थिए।
विद्यार्थी आन्दोलन, शिक्षा क्षेत्र र पार्टी संगठनमा लामो समयदेखि सक्रिय उनले बौद्धिक तथा तर्कशील युवा नेताका रूपमा आफ्नो पहिचान बनाएका छन्।
गण्डकी प्रदेशसभा सदस्यका रूपमा समेत भूमिका निर्वाह गरिरहेका सुवेदीले कांग्रेसलाई थप सबल, गतिशील र जनमुखी बनाउन आफ्नो उम्मेदवारी केन्द्रित रहने बताएका छन्।
.JPG)
