नेपाली कांग्रेसका सभापति गगनकुमार थापाले पार्टीका पदाधिकारीमा एउटै पदमा धेरै जनाले उम्मेदवारी दिँदा महत्वपूर्ण नेताहरू पराजित भएर केन्द्रीय कमिटीभन्दा बाहिर बस्नुपर्ने अवस्था आउन सक्ने भन्दै उम्मेदवारीबारे पुनर्विचार गर्न आग्रह गरेका छन्।
मंगलबार सभापति पदमा मनोनयन दर्ता गरेपछि सञ्चारकर्मीसँग कुरा गर्दै थापाले यस्तो आग्रह गरेका हुन्।
उनले पार्टीमा लामो समय योगदान दिएका नेताहरूलाई समेत विभिन्न कमिटीमा समेटेर लैजाने बताउँदै नेतृत्व व्यवस्थापनमा समस्या आउन नदिन उम्मेदवारीबारे पुनर्विचार गर्न आग्रह गरे।
थापाले निर्वाचनमा पराजित भए राजनीतिक सम्भावनामा समेत असर पर्न सक्ने भन्दै उम्मेदवारीका विषयमा गम्भीर भएर निर्णय लिन केन्द्रीय सदस्यका सबै प्रत्यासीलाई आग्रह गरे।
सभापति थापाले पार्टीको संरचनामा जिल्ला र पालिकालाई समेत अधिकार सम्पन्न बनाइएको उल्लेख गर्दै आगामी दिनमा प्रदेश तथा जिल्लामा बसेर पनि पार्टीमा महत्वपूर्ण भूमिका निर्वाह गर्न सकिने बताए।
उनले विशेष महाधिवेशनमा सहभागी नभएका नेताहरूलाई पनि समान प्रतिस्पर्धाको वातावरण सुनिश्चित गर्न पदाधिकारी र केन्द्रीय सदस्यको संख्या बढाइएको प्रष्टीकरण दिए।
उनले विशेष महाधिवेशनमा सहभागी नभएका नेताहरूले आगामी दिनमा पार्टी सञ्चालन गर्दा प्रतिस्पर्धा विशेष महाधिवेशनअघिको जस्तो असमान हुन नहुने अवस्थाका लागि पार्टीले यस्तो निर्णय लिएको उनको भनाइ छ।
उनले विशेष महाधिवेशनमा सहभागी नभएका नेताहरूलाई पनि समान प्रतिस्पर्धाको वातावरण सुनिश्चित गर्न पदाधिकारी र केन्द्रीय सदस्यको संख्या बढाइएको प्रष्टीकरण दिए।
‘हिजो विशेष महाधिवेशनमा सहभागी नहुनुभएका साथीहरूको लागि पनि ग्राउण्ड बराबर छ भन्ने अनुभूति दिलाउनको लागि पदाधिकारी र केन्द्रीय सदस्यको संख्या थप गरेको हो। विशेष महाधिवेशनमा भाग नलिएका साथीहरूले भोलिको दिनमा तपाईंहरूले कार्यालय चलाउनुभयो, प्रतिस्पर्धा विशेषभन्दा अघिको जस्तो हुनसक्दैन भन्ने अवस्था नरहोस् भन्नको लागि पनि मैले यो पोजिसन लिएको हो,’ उनले भने, ‘यही समस्याको कारण मैले क्रियाशील अद्यावधिकको कुरा जोडेको हो। पार्टीमा विवाद नरहोस् भन्ने नै मुख्य कुरा हो।’
उनले विशेष महाधिवेशनमा सहभागी नभएका नेताहरूले आगामी दिनमा पार्टी सञ्चालन गर्दा प्रतिस्पर्धा विशेष महाधिवेशनअघिको जस्तो असमान हुन नहुने अवस्थाका लागि पार्टीले यस्तो निर्णय लिएको उनको भनाइ छ।
उनले भने, ‘मलाई एकदमै चिन्ता लागिरहेको छ। पार्टी जीवनमा महत्वपूर्ण योगदान गर्नुभएका धेरैभन्दा धेरै साथीहरूले पदाधिकारीमा मनोनयन गरिरहनुभएको छ। यसले गर्दा धेरै साथीहरू बाहिर रहनुहुन्छ कि भन्ने चिन्ता लागिरहेको छ। त्यसकारण मैले धेरै जनालाई अनुरोध पनि गरिरहेको छु। सबैलाई मिलाएर लिएर जाने नेतृत्वको जिम्मेवारी हो। हामी सबैलाई मिलाएर लिएर जान चाहन्छु। त्यसकारण सबै जना पदाधिकारी बन्ने कोसिस नगरौँ।’
उनले स्थानीय तहमा मेयर, उपमेयर वा प्रदेश सांसद बन्न चाहने नेताहरूलाई केन्द्रीय सदस्यमा प्रतिस्पर्धा नगर्न समेत उनले सुझाव दिए।
उनले भने, ‘मैले साथीहरूको अधिकार खोस्न सक्दिनँ तर अनुरोध गरिरहेको छु। पार्टी एक जनाले चलाएर चल्दैन सबैको योगदान चाहिन्छ भनेर मैले अनुरोध गरिरहेको छु। अर्को कुरा, भोलिको दिनमा कसैलाई स्थानीय तहमा मेयर, उपमेयर, प्रदेश सांसद हुने मन छ भने कृपया केन्द्रीय सदस्यको लागि प्रतिस्पर्धा नगरिदिनुहोला। त्यसले तपाईंको देशभित्रको कुनै पनि सम्भावना रहँदैन।’
.JPG)
