नेपाली कांग्रेसको १५औँ महाधिवेशनमा सुनिल केसीले श्रमिक कोटाबाट केन्द्रीय सदस्य पदमा उम्मेदवारी दिएका छन्।
श्रमिकको हक, अधिकार, सम्मान र हितलाई प्राथमिकतामा राख्दै केसीले उचित पारिश्रमिक, सामाजिक सुरक्षा, सुरक्षित कार्यस्थल, रोजगारीको सुरक्षा तथा श्रमिकका समस्या नीति निर्माणको तहसम्म पुर्याउने प्रतिबद्धता अघि सारेका छन्।
त्यस्तै, अनौपचारिक क्षेत्रका श्रमिकको अधिकार संरक्षण, महिला श्रमिकका विशेष अधिकार, सीप विकास तथा रोजगारीका अवसर विस्तार र वैदेशिक रोजगारीमा रहेका श्रमिकको सुरक्षालाई समेत उनले आफ्नो प्रमुख एजेन्डामा समेटेका छन्।
‘श्रमिकको सम्मान, श्रमिकको अधिकार—हाम्रो साझा अभियान’ भन्ने नारासहित उम्मेदवारी दिएका के.सी.ले आफ्नो अभियानमा श्रमिक तथा महाधिवेशन प्रतिनिधिहरूको साथ, सहयोग र अमूल्य मतको अपेक्षा गरेका छन्।
.JPG)
