नेपाली कांग्रेसका संसदीय दलका नेता भीष्मराज आङ्देम्बेले पार्टीको १५ औं महाधिवेशनमा कुनै पनि पदमा उम्मेदवारी दिएका छैनन्।
२९७ सदस्यीय केन्द्रीय कार्यसमितिका लागि विभिन्न पदमा मंगलबार उम्मेदवारी दर्ता भइसकेको छ। आज उम्मदेवारउपर दाबी विरोध र उम्मेदवारी फिर्ताको तालिका छ भने बिहीबार बिहानदेखि मतदान सुरू हुनेछ।
कांग्रेससले यसपालि पदाधिकारी संख्या बढाएको छ।
संसदीय दल नेता भीष्मराज आङ्देम्बेले उपसभापति संख्या बढाएर ३ पुर्याए उम्मेदवारी दिने मनसाय राखेका थिए। तर उपसभापति एक वरिष्ठसहित ४ पुर्याइए पनि उनले उम्मेदवारी दिएनन्।
किन? हामीले संसदीय दल नेता आङ्देम्बेलाई सोधेका छौं।
उनले आफू संसदीय दल नेता रहेको र संसदीय भूमिकामै समय दिने इच्छा राखेको बताए।
‘संसदीय दल नेता केन्द्रीय समितिमा पदेन सदस्य रहने व्यवस्था छँदैछ,’ उनले सेतोपाटीसँग भने, ‘त्यसैले मैले केन्द्रीय सदस्यमा पनि उम्मेदवारी दिइरहनु परेन।’
उनले नेताहरूबीच सरसल्लाहमै आफू महाधिवेशनमा उम्मेदवार नबनेको पनि बताए। संसदीय जिम्मेवारीलाई नै प्राथमिकता दिने उनको भनाइ छ।
उनी १४ औं महाधिवेशनमा सहमहामन्त्री निर्वाचित भएका थिए।
-ink-1777278594.jpeg)
.JPG)
