नेपाली कांग्रेसको १५ औँ महाधिवेशनअन्तर्गत निर्वाचन व्यवस्थापनबारे केन्द्रीय निर्वाचन समितिले सभापति, उपसभापति र महामन्त्री पदका सबै उम्मेदवारसँग छलफल गर्ने भएको छ।
निर्वाचन समितिका सदस्य सचिव राजु कटुवालका अनुसार बिहान ११ः३० बजे निर्वाचन कार्यालयमा सबै उम्मेदवारसँग छलफल गर्न लागिएको हो।
छलफलमा निर्वाचन व्यवस्थापन र मतदानलाई व्यवस्थित बनाउने विषयमा आवश्यक जानकारी तथा समन्वय गरिने उनको भनाइ छ।
निर्वाचन समितिले आज बिहान १० बजेदेखि मतदान गर्ने भने पनि दिउँसो १ बजेका लागि सारिएको छ।
महाधिवेशनमा सभापति, उपसभापति, महामन्त्री, सहमहामन्त्री र केन्द्रीय सदस्य पदका लागि ८३० जना उम्मेदवार चुनावी मैदानमा छन्।
कांग्रेसको केन्द्रीय कार्यसमिति २९७ सदस्यीय रहेको छ।
यस्तो छ मतदान केन्द्र-
क) राष्ट्रिय सभागृह प्रदर्शनीमार्गमा बागमती प्रदेश
ख) खुलामञ्चमा
कोशी प्रदेश (तराई-मधेस हल)
गण्डकी प्रदेश (हिमाली हल)
लुम्बिनी प्रदेश (पहाड हल)
कर्णाली/सुदूरपश्चिम/नेपाली जनसम्पर्क समिति (पहाड हल)
.JPG)
