नेपाली कांग्रेसको १५औँ महाधिवेशनमा महामन्त्री पदका उम्मेदवार प्रदीप पौडेलले महाधिवेशन प्रतिनिधिहरूसँग मत मागेका छन्।
पौडेलले कांग्रेसको रूपान्तरणको यात्रामा आफूले अझै धेरै काम गर्न बाँकी रहेको भन्दै महामन्त्री पदमा उम्मेदवारी दिएको बताएका छन्।
‘नेपाली कांग्रेसको रूपान्तरणको यो यात्रामा मैले धेरै काम गर्न बाँकी छ । यसर्थ तपाईंको विश्वास र प्रेरणाले म महामन्त्री पदको उम्मेदवार बनेको छु,’ उनले भनेका छन्।
उनले महाधिवेशन प्रतिनिधिको एउटा मत आफ्नो लागि मात्र नभई लोकतन्त्रको सुदृढीकरण, कांग्रेसको नव निर्माण र समुन्नत नेपालको साझा सपनाका लागि महत्वपूर्ण योगदान हुने बताएका छन्।
पौडेलले विगतभन्दा अझ सघन रूपमा खटेर महाधिवेशन प्रतिनिधिहरूले चाहेजस्तो सुदृढ, गतिशील र विशाल कांग्रेस निर्माणका लागि काम गर्ने प्रतिबद्धता व्यक्त गर्दै आफूलाई मतमार्फत अनुमोदन गर्न आग्रह गरेका छन्।
आज दिउँसो १ बजेदेखि मतदान सुरू गर्ने तयारी केन्द्रीय निर्वाचन समितिको छ।
.JPG)
