नेपाली कांग्रेसका सभापति गगन थापाले पार्टीको १५औं महाधिवेशनमा कुनै पनि प्यानल वा गुट नरहेको बताएका छन्।
केन्द्रीय कार्यसमितिका लागि मतदान प्रक्रिया सुरू भएपछि सामाजिक सञ्जालमा स्ट्याटस लेख्दै थापाले महाधिवेशन प्रतिनिधिलाई कुनै पनि भ्रम वा प्रभावमा नपरी मतदान गर्न आग्रह गरेका हुन्।
‘यो पार्टीभित्रको स्वस्थ आन्तरिक लोकतान्त्रिक प्रक्रिया हो। यसपटक कुनै पनि प्यानल वा गुट छैन,’ उनले लेखेका छन्।
आफ्नो नाम जोडेर विभिन्न उम्मेदवारको सूची प्रचार भइरहेको उल्लेख गर्दै थापाले त्यस्ता सूचीलाई आफ्नो आधिकारिक समर्थनका रूपमा नलिन आग्रह गरेका छन्।
उनले कुनै पनि अफवाहमा नलाग्न पनि महाधिवेशन प्रतिनिधिलाई अनुरोध गरेका छन्।
थापाले पार्टीको सर्वोपरि हितलाई ध्यानमा राखेर आफ्नो स्वतन्त्र विवेक, मूल्याङ्कन र विश्वासका आधारमा मतदान गर्न प्रतिनिधिहरूलाई आग्रह गरेका छन्।
कांग्रेसको १५औँ महाधिवेशनअन्तर्गत केन्द्रीय कार्यसमितिको निर्वाचन अघिल्लो दिनका लागि तय भए पनि प्राविधिक कारणले एक दिन ढिलो भएको थापाले बताएका छन्।
निर्वाचनमा भएको ढिलाइबाट महाधिवेशन प्रतिनिधिलाई परेको असुविधाप्रति उनले क्षमासमेत मागेका छन्।
‘मलाई विश्वास छ, तपाईंहरूको विवेकपूर्ण निर्णयले पार्टी संगठनलाई नयाँ उचाइमा पुर्याउनेछ,’ थापाले लेखेका छन्।
-1791509808.png)
.JPG)
