नेपाली कांग्रेसको उपसभापति र महामन्त्रीको मतगणना जारी छ।
खुला उपसभापतिको दुई पद, समावेशी उपसभापतिको एक पद, खुला महामन्त्रीको दुई र महिला महामन्त्रीको एक पदको मतगणना अहिले भइरहेको छ।
अहिलेसम्म १२२९ मत गणना भएको छ।
खुला उपसभापतिमा चन्द्र भण्डारीले सबैभन्दा बढी ६४३ मत पाएका छन्। त्यस्तै इ. मधु आचार्यले ३६२ मत पाएका छन्।
तेस्रोमा गोविन्द भट्टराई छन्। उनले ३०८ मत ल्याएका छन्। सुरेन्द्रराज पाण्डेले ३०५, दीपक गिरीले २४८, धनराज गुरूङले २२३, प्राध्याक डा. चन्द्र मोहन यादवले १२९ मत ल्याएका छन्।
समावेशीतर्फको उपसभापति पदमा विनोद चौधरीले अग्रता लिएका छन्। उनले ३५७ मत ल्याएका छन्। जीवन परियारले ३००, फरमुल्लाह मन्सुरले १७७, सीता गुरूङले १५७, रन्जित कर्णले १०० मत पाएका छन्।
महामन्त्रीको खुला दुई पदमा प्रदीप पौडैल र अमरसिंह पुन मगरले अग्रता लिएका छन्। पौडेलले ७२३ मत पाउँदा पुनमगरले ४५५ मत ल्याएका छन्।
उदयशमशेर राणाले ४१२, सुनिल शर्माले ३०९, गुरूराज घिमिरेले १७८, नैनसिंह महरले १३५, शंकर तिवारीले १९ र डा. सन्तोष उपाध्यायले १७ मत ल्याएका छन्।
महिला महामन्त्रीमा डिला संग्रौला र महालक्ष्मी उपाध्याय डिनाबीच कडा प्रतिस्पर्धा देखिएको छ। संग्रौलाले ५३६ मत प्राप्त गर्दा उपाध्यायले ५१३ मत ल्याएकी छन्।
रीता खनालले १४७ मत पाएकी छन्।
अरू पदमा भने मतगणना सुरू भएको छैन।
