नेपाली कांग्रेसको १५ औं महाधिवेशनमा खसेको मत गणना भइरहेको छ।
उपसभापति खुलामा अहिलेसम्मको मत हेर्दा चन्द्र भण्डारी र मधु आचार्यले अग्रता लिइरहेका छन्। उपसभापति खुलातर्फ २ पदका लागि निर्वाचन भएकोमा ७ जना उम्मेदवार थिए।
भण्डारी६७९ मतसहित अघि छन्। त्यस्तै आचार्य ३९३ मतसहित उनलाई पछ्याइरहेका छन्।
अरू उम्मेदवार गोविन्द भट्टराईले ३४५, सुरेन्द्रराज पाण्डेले ३३७, दीपक गिरीले २६४, धनराज गुरूङ २४०, चन्द्र मोहन यादव १३८ मत ल्याएका छन्। मतगणना जारी छ।
यस्तै उपसभापति समावेशीतर्फ विनोद चौधरी अघि छन्। चौधरी ३८२ मतसहित अघि छन् भने जीवन परियार ३३०, फरमुल्लाह मन्सुर १९०, सीता गुरूङ १७०, रञ्जित कर्ण १०७ मत ल्याएका छन्। मतगणना जारी छ।
