नेपाली कांग्रेसको १५औं महाधिवेशनअन्तर्गत खुलातर्फको उपसभापति पदमा डा. चन्द्रकान्त भण्डारीले फराकिलो अग्रता कायम राखेका छन्।
कुल खसेको ७ हजार ४३ मतमध्ये ३ हजार ४३५ मत गणना हुँदा भण्डारीले १ हजार ६८६ मत प्राप्त गरेका छन्। उनी दोस्रो स्थानमा रहेका मधु आचार्यभन्दा ५९६ मतले अगाडि छन्।
आचार्यले १ हजार ९० मत पाएका छन्। तेस्रो स्थानमा रहेका सुरेन्द्रराज पाण्डेले ९५५ मत प्राप्त गरेका छन्। उनी आचार्यभन्दा १३५ मतले पछाडि छन्।
चौथो स्थानमा रहेका गोविन्द भट्टराईले ९४१ मत पाएका छन्। पाण्डे र भट्टराईबीच मात्र १४ मतको अन्तर छ।
त्यस्तै, धनराज गुरूङले ७१९, दीपक गिरीले ४९७ र प्रा.डा. चन्द्रमोहन यादवले २९९ मत प्राप्त गरेका छन्।
खुलातर्फ दुई जना उपसभापति निर्वाचित हुनेछन्। हालसम्मको मतगणनामा भण्डारी पहिलो र आचार्य दोस्रो स्थानमा छन्। दोस्रो स्थानका लागि भने आचार्य, पाण्डे र भट्टराईबीच प्रतिस्पर्धा देखिएको छ।
