नेपाली कांग्रेसको १५ औं महाधिवेशनमा सुदूरपश्चिमबाट एक्ला पदाधिकारी छन्- प्रकाश रसाइली स्नेही।
प्रकाश सहमहामन्त्रीमा लोकप्रिय मतसहित निर्वाचित भएका हुन्।
सहमहामन्त्री (दलिततर्फ) ६ हजार ७ सय ३७ मत सदर भएको थियो। त्यसमा प्रकाश ४८ सय २१ मतसहित सहमहामन्त्री निर्वाचित भएका हुन्।
एक पदका लागि भएको निर्वाचनमा प्रकाशसहित ३ जना उम्मेदवार थिए।
अर्का उम्मेदवार मानबहादुर नेपालीले ११२१ र नरेन्द्र पासवानले ७९६ मत ल्याएका थिए।
सुदूरपश्चिमबाट कांग्रेस पदाधिकारीमा अरू पनि उम्मेदवार थिए तर जित्न सकेनन्।
नैनसिंह महर महामन्त्रीमा र जनक गिरी सहमहामन्त्री पदका उम्मेदवार रहे पनि पराजित भएका थिए।
‘सुदूरपश्चिमबाट ममात्रै पदाधिकारीमा निर्वाचित भएँ,’ उनले भने।
बझाङका प्रकाश गत पुसमा भएको विशेष महाधिवेशनबाट पनि सहमहामन्त्री चयन भएका थिए। त्यसअघि उनी क्रियाशील सदस्यता व्यवस्थापन समितिमा रहेर पनि काम गरेका थिए।
.JPG)
