जिल्ला प्रहरी कार्यालय सिरहा परिसरमा महिला प्रहरी जवान मृत फेला परेकी छन्।
बाँकेको खजुरा गाउँपालिका-४ की २५ वर्षीया प्रहरी जवान करिष्मा सुनार मृत फेला परेको जिल्ला प्रहरी कर्याालय सिरहाका प्रमुख एसपी रमेश पण्डितले जानकारी दिए।
उनका अनुसार कार्यालय भवनको दोस्रो तल्लामा रहेको महिला तथा बालबालिका सेलको शौचालयभित्र उनी मृत फेला परेकी हुन्।
'खाजा खाने बेला ट्वाइलेट लाग्यो भनेर शौचालाय जानुभएको थियो,' उनले भने, 'लामो समयसम्म शौचालयबाट ननिस्किएपछि भेन्टिलेसनबाट हेर्दा झुण्डिएको अवस्थामा फेला परेको थियो।'
घटनाबारे थप अनुसन्धान भइरहेको प्रहरीले जनाएको छ। मृतक प्रहरी जवान मुद्दा शाखामा कार्यरत थिइन्।
