त्रिशूली रिभरसाइड रिसोर्टको कायक टिम नारायणगढ–मुग्लिन सडक खण्डको सिमलतालमा पहिरोले बगाएको भनिएका दुई वटा बस र यात्रुको खोजी तथा उद्धार कार्यका लागि जुटेको छ।
साहसिक खेल मात्र नभई उद्धार कार्यमा समेत खटिने भएकाले कायकलाई रिभर एम्बुलेन्स समेत भनिन्छ।
भरतपुर महानगरपालिका–२९ सिमलतालमा शुक्रबार बिहान करिब ३ बजे लेदोसहितको पहिरोमा दुई यात्रुबाहक बस बग्दा बस र कम्तीमा ६० बढी यात्रु बेपत्ता भएको बताइएको छ।
जसको खोजीका लागि सरकारी तथा गैरसरकारी टोलीहरू खटिएका छन्।
मलेखुस्थित रिभरसाइड रिसोर्टबाट बेपत्ता बस तथा यात्रुको खोजी कार्यका लागि ५ वटा कायाकसहित ६ गाइडको समूह बस खोजी कार्यका लागि खटिएको छ।
सिमलतालदेखि गाईघाटसम्म नदीको दायाँबायाँ कायकिङ गर्दै खोजी कार्य जारी रहेको रिसोर्ट सञ्चालक उद्धव कँडेलले बताए।
र्याफ्टिङ गाइड समेत रहेका उद्धव कँडेलको नेतृत्वमा टोली खटिएको हो।
-copy-1745411477.jpg)
-1746009348.jpg)
