कैलालीमा घरभित्र आमा-छोरी मृत भेटिएका छन्।
गोदावरी नगरपालिका-११ मा २४ वर्षीया मिरा कामी र उनकी २ वर्षीया छोरी प्रिन्सी मृत भेटिएका हुन्।
उनीहरूलाई आफ्नै घरभित्र झुण्डिएको अवस्थामा बिहीबार साँझ फेला परेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डिएसपी) कविन्द्रसिंह बोहराले जानकारी दिए।
'उनीहरू झुण्डिएको देखेपछि देबर पर्नेले सासु र अरूलाई बोलाएको रहेछ, छोरी बाँच्छिन् कि भनेर डोरीसमेत काटिदिएछन्। तर बचाउन सकिएन,' डिएसपी बोहराले भने।
बिहीबार घरमा आमाछोरी मात्रै रहेको प्रहरी अनुसन्धानमा खुलेको छ। मिराकी सासु धनगढी गएकी थिइन् भने श्रीमान् र ससुरा रोजगारीको शिलशिलामा भारतमा छन्।
दुवै शव परीक्षणका लागि प्रादेशिक अस्पतालामा राखिएको छ।
घटनामा प्रहरीले थप अनुसन्धान गरिरहेको डिएसपी बोहराले बताए।
-1746009348.jpg)
