बिना अनुमति कैलालीको जंगलमा हप्ता दिनभन्दा बढी समयदेखि बस्दै आएका एक सय ५० बढी विदेशी नागरिक जंगल छाडेर गएका छन्।
अमेरिका, भारत, चीन लगायत करिब १६ देशका एक सय ५० नागरिक घोडाघोडी नगरपालिका–९ को सिमली जंगलमा बिना अनुमति बस्दै आएका थिए। त्यसबारे सूचना पाएपछि बिहीबार मात्रै स्थानीय प्रहरी प्रशासन अनुगमनमा पुगेको थियो।
कैलालीका प्रमुख जिल्ला अधिकारी गोगनबहादुर हमालले घटनास्थलको निरीक्षण गर्दा उनीहरूका गतिविधि र क्रियाकलाप अस्वाभाविक देखिएको हुँदा २४ घण्टाभित्र त्यो जंगल छोडेर आफ्नो गन्तव्यमा फर्किन निर्देशन जारी गरेका थिए।
प्रजिअको निर्देशनपछि उनीहरूले शुक्रबार बेलुकी बसिरहेको जंगल छाडेका छन्।
यो पनि:
एक सातादेखि कैलालीको जंगलमा बसिरहेका छन् १६ देशका डेढ सय मानिस
-1746009348.jpg)
