शिक्षकहरूको काठमाडौं केन्द्रित आन्दोलन जारी छ।
शिक्षकहरूले विभिन्न माग राख्दै चैत २० गते माइतीघरदेखि बबरमहलसम्म प्रदर्शन गर्दै आएका छन्।
आज २९ औं दिन पनि उनीहरूले बबरमहल क्षेत्रमा उनीहरूले प्रदर्शन गरेका छन्।
गएराति शिक्षक महासंघ र सरकारबीच वार्ता भएको थियो। वार्तामा ठोस सहमति नभए पनि मन्त्रिपरिषद् बैठकबाट सम्बोधन हुने मागहरूबारे निर्णय गर्ने प्रतिबद्धता व्यक्त गरेको थियो।
शिक्षक महासंघले सरकारसँग वार्ता र आन्दोलनलाई सँगसँगै अगाडि बढाउने निर्णय गरेको छ।
सत्तारूढ दल नेकपा (एमाले)का उपमहासचिव प्रदीप ज्ञवालीले बुधबार नै शिक्षकहरूसँग सहमति हुने बताएका थिए।
