भारत र पाकिस्तानबीच तनाव बढेपछि नेपाल-भारत सीमा नाकामा कडाइ गरिएको छ।
बुधबार राति भारतले पाकिस्तानमाथि मिसाइल आक्रमण गरेको थियो। त्यसयता नेपाल-भारत सिमा नाकामा नेपाल र भारत दुवै पक्षले निगरानी कडा बनाएको छ।
सशस्त्र प्रहरीले विज्ञप्ती नै जारी गरी सिमानामा सुरक्षा सतर्कता बढाइएको जानकारी गराइएको छ। विशेषगरी खुला सिमाना भएका ठाउँहरूमा पनि सुरक्षा सतर्कता बढाइएको छ।
कपिलवस्तुको श्रीनगर नाकामा पनि पनि सामान्य अवस्थाको तुलनामा निगरानी बढाइएको छ। त्यहाँ चौबिसै घन्टा भारतीय सीमा सुरक्षा बल (एसएसबी)को टोली खटिएका छन्।
कपिलवस्तुका प्रमुख जिल्ला अधिकारी दिलकुमार तामाङले पछिल्लो घटनाक्रमपछि नाकामा सुरक्षा सतर्कता र निगरानी बढाइएको जानकारी दिए।
'नाकामा स्वाभाविक रूपमा निगरानी हुन्छ। पछिल्लो घटनाक्रमपछि अलि बढाइएको हो,' उनले भने।
