सगरमाथाको आरोहण गरेकी नेपाल प्रहरीकी प्रहरी सहायक निरीक्षक (असई) कुन्जाङ छोपेल शेर्पाको प्रहरी नायब निरीक्षक (सई) पदमा विशेष बढुवा भएको छ।
नेपाल प्रहरी प्रधान कार्यालयमा मंगलबार प्रहरी महानिरीक्षक दिपक थापाको अध्यक्षतामा बसेको नीति निर्माण समिति (पिसिसि) बैठकले शेर्पालाई विशेष बढुवा गर्ने निर्णय गरेको हो।
नेपाल प्रहरीको प्रतिनिधित्व गर्दै शेर्पाले जेठ ५ गते बिहान ८:५६ बजे सगरमाथाको आरोहण गरेकी थिइन्।
उनले नेपालको राष्ट्रिय झण्डासहित नेपाल प्रहरी तथा लैंगिक हिंसा विरूद्धको नारा सहितको ब्यानर फहराएकी थिइन्।
सगरमाथा आरोहण गरेकी शेर्पालाई बिहीबार त्रिभुवन अन्तर्राष्ट्रिय विमानस्थलमा स्वागत समेत गरिएको थियो।
एसएसपी रमेश थापाले विमानस्थलमा बुधबार एक कार्यक्रमबीच शेर्पालाई स्वागत गरेका थिए।
-1746009348.jpg)
