काठमाडौंको थानकोटमा एउटा गाडीले भारतीय कारलाई ठक्कर दिएको छ।
शनिबार दिउँसो साढे २ बजे चन्द्रागिरि नगरपालिका-३ थानकोटस्थित सिद्धार्थ बैंकनजिक सडकमा नागढुंगाबाट कलंकी जाँदै गरेको बा २ ख ९३९३ नम्बरको थानकोट यातायातको गाडीले कारलाई ठक्कर दिएको हो।
कलंकीतर्फ आउँदै गरेको बिआर ०१ पिसी ३७५४ नम्बरको भारतीय कारलाई उक्त गाडीले पछाडिबाट ठक्कर दिएको थियो।
कारलाई ठक्कर दिएको गाडी सडकछेउ रहेको घरको भित्तामा ठोक्किन पुगेको थियो।
गाडी चालक फरार भएका छन्।
दुर्घटनामा मानवीय क्षति नभएको प्रहरीले जनाएको छ।
-1742801159.jpg)
