माइतीघरमा दृष्टिविहीनहरूको धर्ना (तस्बिरहरू)

नवीनबाबु गुरूङ

काठमाडौं, असार १०

काठमाडौंको माइतीघर मण्डलमा दृष्टिविहीन तथा न्यून दृष्टियुक्तहरूले धर्ना कार्यक्रम आयोजना गरेका छन्।

सडकपेटीलाई कार्यक्षेत्र बनाएर जीविकोपार्जन गर्दै आएका उनीहरूले विभिन्न निकायबाट भएको धरपकड र जबरजस्ती हटाउने प्रयासको विरोध गर्दै आन्दोलन गरेका हुन्।

धर्नामा सहभागीहरूले 'पानी, धुलो र धुवाँ सहनु हाम्रो रहर होइन, बाध्यता हो' भन्दै वैकल्पिक रोजगारी वा पुनर्स्थापनाको व्यवस्था नगरी फुटपाथ नछोड्ने चेतावनी दिएका छन्।

उनीहरूले राज्य तथा सम्बन्धित निकायलाई आफ्नो जीविकोपार्जनको अधिकार सुनिश्चित गर्न र सम्मानजनक विकल्प उपलब्ध गराउन आग्रह गरेका छन्।

सडकपेटी केन्द्रित स्वरोजगारमूलक दृष्टिविहीन व्यवसायीहरूको समूहद्वारा आयोजित धर्नामा सहभागीहरूले जीविकोपार्जनको विकल्प खोजिनुपर्ने र बलपूर्वक हटाउने कार्य तत्काल रोक्नुपर्ने माग राखेका छन्।

तस्बिरहरू:

blind--(9)-1782286380.jpg