दोलखाको गौरीशंकर गाउँपालिका ९ सिर्पिङ खोला जलविद्युत् आयोजना (सिनर्जी हाइड्रोपावर) को ड्यामनजिकै पहिरो खसेको छ।
पहिरोले एक गोठ बगाएको छ भने एक जना वृद्ध सम्पर्कविहीन छन्।
ड्याम क्षेत्रमै गोठ बनाएर बस्दै आएका गौरीशंकर गाउँपालिका ९ टासिनामका करिब ७३ वर्षीय चस्मान तामाङ (तसमान) को गोठ पहिरोसँगै बगेको छ। गोठमा रहेका ७ वटा बाख्रा, ९ वटा गाई र ३ वटा गोरूसमेत बगेका छन्।
बुधबार राति करिब १ बजे गएको पहिरोले ड्यामका कर्मचारी बस्ने घर पूर्ण रूपमा क्षति पुगेको छ।
असुरक्षित स्थानमा रहेका ड्यामका चार जना कर्मचारीलाई बिहान सवा ७ बजे उद्धार गरिएको प्रहरीले जनाएको छ।
