सिरहाको लहानमा गोली चलाएर प्रहरीले ६ जना लागुऔषध कारोबारीलाई पक्राउ गरेको छ।
बिहीबार अपराह्नमा हस्पिटल चोकमा लागुऔषध नियन्त्रण ब्युरो कोटेश्वरबाट खटिएको टोलीले गोली चलाएर ६ जनालाई नियन्त्रणमा लिएको स्रोतले बतायो।
स्रोतका अनुसार दुई जनालाई गोली लागेर घाइते समेत भएका छन्। घाइते हुनेमा एक जना नेपाली नागरिक र एक जना भारतीय नागरिक छन्।
उनीहरूबाट प्रहरीले खैरो हेरोइन अन्दाजी २५० ग्राम बरामद गरेको छ।
घटनाबारे थप विवरण आउन बाँकी छ।
