दुर्गा प्रसाईं पक्राउविरूद्ध सर्वोच्च अदालतमा रिट दायर भएको छ।
प्रसाईंकी श्रीमती उमाले सोमबार सर्वोच्च अदालतमा बन्दी प्रत्यक्षीकरणको रिट दायर गरेकी हुन्।
आफ्ना श्रीमानलाई गैरकानुनी रूपमा आइतबार राति प्रहरीले पक्राउ गरेको भन्दै उमा सर्वोच्च पुगेकी हुन्।
प्रसाईं हाल जिल्ला प्रहरी परिसर भक्तपुरको हिरासतमा छन्।
उनले सार्वजनिक शान्ति विरूद्धको कसुर गरेको भन्दै प्रहरीले पक्राउ गरेको हो।
प्रसाईंले आइतबार दिउँसो पत्रकार सम्मेलन गरी सरकारविरूद्ध आन्दोलनको घोषणा गरेका थिए।
