महाराजगन्जस्थित त्रिवि शिक्षण अस्पतालमा उपचारका क्रममा मृत्यु भएका रविन्द्र मेहताका शव आफन्तले बुझेका छैनन्।
सुनसरी घटनामा घाइते भएका रविन्द्र उपचारको क्रममा मंगलबार त्रिवि शिक्षण अस्पतालमा मृत्यु भएको हो।
मृत्युपछि अस्पतालले शव बुझ्न भने पनि उनका आफन्तले गृहमन्त्री सुधन गुरूङ अस्पताल नआएसम्म शव नबुझ्ने अडान लिएर बसिरहेको अस्पतालका सूचना अधिकारी कालीप्रसाद रोसयारले जानकारी दिए।
उनका अनुसार चिकित्सकले मृत घोषण गरिदिएपछि शव बुझ्न भनिएको थियो। तर उनका आफन्त गृहमन्त्री गुरूङ नआएसम्म शव नबुझ्ने भनेर ३५/४० जना बसिरहेका छन्।
'हामीले बिहानदेखि नै शव बुझ्न भनिरहेका थियौं। उहाँहरूले मान्नु भएन,' उनले भने, 'उल्टै हामीप्रति आकोशित भएपछि हामीले थप केही भनेनौं।'
अहिले पनि रविन्द्रको शव आइसियूको वार्डमा रहेको उनी बताउँछन्।
