नेपाली कांग्रेसका पूर्वसभापति शेरबहादुर देउवा आज स्वदेश फर्किने भएपछि त्रिभुवन अन्तर्राष्ट्रिय विमानस्थल क्षेत्रमा सुरक्षा व्यवस्था कडा पारिएको छ।
गत फागुनमा उपचारका लागि सिंगापुर गएका देउवा आज मध्याह्न साढे १२ बजे काठमाडौं आइपुग्ने कार्यक्रम छ।
देउवाको आगमनलाई ध्यानमा राख्दै विमानस्थलको मुख्य गेट, परिसर तथा आसपासका क्षेत्रमा ठूलो संख्यामा सुरक्षाकर्मीहरू तैनाथ गरिएका छन्।
सम्भावित भीडभाड र सुरक्षा संवेदनशीलतालाई लक्ष्य गर्दै सुरक्षा निकायले विमानस्थल क्षेत्रमा निगरानी बढाएको छ।
विमानस्थल बाहिर तथा भित्र सुरक्षा जाँचमा कडाइ गरिएको छ भने सवारी साधनको आवतजावत र भीड नियन्त्रणका लागि अतिरिक्त सुरक्षा टोली परिचालन गरिएको छ।
सिंगापुरमा लामो समयको बसाइँपछि फर्कन लागेका पूर्वसभापति देउवालाई स्वागत गर्न नेपाली काँग्रेसका नेता, कार्यकर्ता तथा शुभचिन्तकहरू विमानस्थल पुग्ने क्रम जारी छ।
देउवा गत फागुन १३ गते उपचारका लागि सिंगापुर गएका थिए। उनी भदौ २४ गतेको जेनजी आन्दोलनमा सांघातिक हमलामा परी घाइते भएका थिए।
तस्बिरहरू:
-1786601859.jpg)
-1786601859.jpg)
-1786601859.jpg)
-1786601858.jpg)
-1786601860.jpg)
-1786601860.jpg)
-1786601860.jpg)
-1786601860.jpg)
-1786601858.jpg)
सबै तस्बिर: नेपाल फोटो लाइब्रेरी
