कास्कीमा अन्नपूर्ण माता मन्दिर आवतजावत गर्ने फलामे पुल बगाएपछि पुजारी र भक्तजनसहित तीन जना मन्दिरमै फसेका छन्।
शुक्रबार बिहान २:१५ बजे अन्नपूर्ण गाउँपालिका-५ र ६ को सिमानास्थित मोदीखोलाको बीचमा रहेको अन्नपूर्ण माता मन्दिरमा आवतजावत गर्ने २ वटा फलामको पुल बगाएको हो।
सशस्त्र प्रहरी बलका सह-प्रवक्ता डिएसपी शैलेन्द्र थापाका अनुसार मन्दिरको आधा भाग पनि नदीले बगाएको छ।
उक्त मन्दिरमा रहेका १ जना सन्त पुजारी र २ जना भक्तजन मन्दिरमै फसेका छन्।
उद्धारका लागि सशस्त्र प्रहरी बल नेपाल नं. २४ कालिका गण कास्कीबाट ४ जना रोप रेस्क्यु र ३ जना गोताखोर सहितको उद्दार टोली घटनास्थल पुगेको डिएसपी थापाले जानकारी दिए।
आवश्यक विपद उद्धारका सामग्रीसहित राती ०२:३५ बजे खटिएका सुरक्षाकर्मीले उद्दार प्रयास गरिरहेका उनले बताए।
