रसुवा बाढीका कारण लाङटाङ खोला जलविद्युत् आयोजनामा कार्यरत प्राविधिक कर्मचारीहरू तथा श्रमिकहरू समेत गरी ६० जना सम्पर्क बाहिर रहेको आयोजनाले जनाएको छ।
आयोजनाका प्रबन्ध निर्देशक एंव स्वतन्त्र ऊर्जा उत्पादकहरूको संस्था इप्पानका सचिव विजयमोहन भट्टराईले २५ जना सुरूङभित्र काम गरिरहेका श्रमिकहरू त्यहीँभित्रै फसेको जानकारी दिए।
फसेका श्रमिकहरूलाई तत्काल उद्धार गर्न पनि उनले अपिल गरेका छन्।
'अहिले अरू क्षतिभन्दा पनि फसेकाहरूको तत्काल उद्धार गर्नुपर्यो भनेर म हारगुहार गरिरहेकी छु। आफै हेलिकप्टर लैजान हेलिकप्टर उपलब्ध भएन। जसरी हुन्छ सरकारले छिटो उद्धार गर्नुपर्यो,' उनले भने।
२० मेगावाटको यो आयोजना निर्माणको अन्तिम चरण पुगेको थियो।
केही दिनमै परीक्षणका लागि तयारी भइरहेको थियो।
-1787733102.jpg)
