हिमालयन सेक्युरिटिज बैंकर लिमिटेडका सञ्चालक र हिमालयन इन्भेस्टन्ट बैंकर लिमिटेडका लगानी संयोजक पक्राउ परेका छन्।
केन्द्रीय अनुसन्धान ब्युरो (सिआइबी) ले दुई जनालाई पक्राउ गरेको एसएसपी अनुपम शमशेर जबराले जानकारी दिए।
उनका अनुसार सेक्युरिटिज बैंकरका अध्यक्ष ६३ वर्षीय दीपक कुमार श्रेष्ठलाई बिहीबार ललितपुरको हात्तीवनबाट पक्राउ गरिएको हो।
लगानी संयोजक ४३ वर्षीय सुमेर शम्शेर जबरालाई बुधबार थापाथलीबाट पक्राउ गरिएको हो।
उनीहरूमाथि प्रहरीले नेपाल धितोपत्र बोर्ड र नेपाल बीमा प्राधिकरणको प्रारम्भिक जाँचबुझ प्रतिवेदनका आधारमा सिआइबीले अनुसन्धान गरी पक्राउ गरेको हो।
