बाढी प्रभावित क्षेत्रमा राहत र उद्धारको अवस्था निरीक्षण गर्न गृहमन्त्री सुधन गुरूङ अहिले नुवाकोट पुगेका छन्।
उनी स्थल मार्ग हुँदै नुवाकोट पुगेको उनको सचिवालयले जनाएको छ।
गृहमन्त्री गुरूङले नुवाकोटस्थित नेपाली सेनाको सैन्य तालिम गणमा पुगेर विपदको पछिल्लो अवस्था, राहत व्यवस्थापन तथा उद्धार कार्यको स्थलगत निरीक्षण गरेका छन्।
उनले विपद प्रभावित क्षेत्रमा आवश्यक मानवीय उद्धार तथा राहत कार्यलाई प्रभावकारी रूपमा अघि बढाउन सम्बन्धित सुरक्षा निकाय तथा उद्धार टोलीलाई निर्देशन दिएका छन्।
सचिवालयका अनुसार उनी केही समय नुवाकोटमै रहेर विपदको अवस्था, उद्धार तथा राहत व्यवस्थापनबारे जानकारी लिने तयारीमा छन्।
