ओम मेगाश्री फर्मास्युटिकल्सले रसुवाका बाढीप्रभावित क्षेत्रमा २० लाख रुपैयाँ बराबरको औषधि उपलब्ध गराउने भएको छ।
विपद्को समयमा औषधिको अभाव नहोस् भनेर विभिन्न संघसंस्थासँग मिलेर औषधि उपलब्ध गराउने निर्णय गरिएको मेगाश्री फर्मास्युटिकल्सका अध्यक्ष अर्जुनकुमार श्रेष्ठले सेतोपाटीलाई बताए।
ओम मेगाश्री फर्मास्युटिकल्सले पहिलो चरणमा बिहीबार नुवाकोटमा ७ लाख बराबरको औषधि उपलब्ध गराइसकेको छ।
‘गैरआवासीय नेपाली संघ (एनआरएनए) को सहकार्यमा जिल्ला आयुर्वेद स्वास्थ्य केन्द्र नुवाकोटमा औषधि पुर्याएका छौँ। बाँकी औषधि हामी आवश्यकता अनुसार उपलब्ध गराउँछौँ,’ उनले भने, ‘सङ्कटको बेला अत्यावश्यक पर्ने विभिन्न खालका औषधि हामीले दिन लागेका हौँ। राज्यलाई संकट परेको बेला आफ्नो क्षमता अनुसार सघाउनु सबैको दायित्व हो।’
