बंगालको खाडीमा विकसित न्यूनचापीय प्रणाली (डिप्रेसन) भारतको उत्तर महाराष्ट्र तथा छत्तिसगढ प्रदेश आसपास रहेको जल तथा मौसम पूर्वानुमान महाशाखाले जनाएको छ।
त्यो प्रणाली अहिले उत्तर-पश्चिम सर्दै चौबीस घन्टाभित्र क्रमशः कमजोर भई न्यूनचापीय प्रणालीका रूपमा रहने महाशाखाले जनाएको छ।
बिहीबार बिहान यो प्रणाली बंगालको खाडीबाट भारतको जमिनी सतहमा प्रवेश गरेको थियो।
नेपालमा सिधै यो प्रणाली प्रवेश नगरे पनि यसबाट जलवाष्पयुक्त हावा र नेपालमा सक्रिय मनसुन र न्यूनचापीय प्रणालीको प्रभावले लगातार पानी परिरहेको छ।
शुक्रबार बिहान कोशी, मधेश, बागमती, गण्डकी र लुम्बिनी प्रदेशमा धेरै स्थानमा तथा कर्णाली र सूदूरपश्चिम प्रदेशको केही स्थानमा हल्का देखि मध्यम वर्षा भइरहेको छ।
पछिल्लो १२ घन्टामा कोशी, बागमती, गण्डकी, र लुम्बिनी प्रदेशका विभिन्न स्थानमा भारी वर्षा भएको छ।
बितेको १२ घन्टामा पाल्पाको अर्चलेमा ९८ मिलिमिटर, इलामको कन्याममा ८८, बाँकेको ढकेरीमा ७९.४, कोहलपुरमा ७६.८, नवलपुरको देउराली नवलपुरमा ७०.८, चितवनको मादीमा ७१.८, काभ्रेपलान्चोकको रोशीमा ७२.८ मिलिमिटर वर्षा मापन भएको छ।
अरू ठाउँमा मध्यसम्मको वर्षा भएको छ।
आज दिउँसो देशभर अधिकांश बादल लाग्ने पूर्वानुमान छ।
कोशी, बागमती, गण्डकी, लुम्बिनी र कर्णाली प्रदेशको हिमाली भू-भागका अधिकांश स्थानमा तथा सुदूरपश्चिम प्रदेशको हिमाली भू-भागका धेरै स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना रहेको महाशाखाले जनाएको छ।
साथै कोशी, बागमती, गण्डकी, लुम्बिनी प्रदेशका पहाडी र तराई भू-भाग, कर्णाली प्रदेशका पहाडी भू-भागका अधिकांश स्थानमा साथै मधेश प्रदेशका केही स्थानमा तथा सुदूरपश्चिम प्रदेशको पहाडी र तराई भू-भागका धेरै स्थानमा मेघगर्जन/चट्याङ्ग सहित मध्यमसम्मको वर्षाको सम्भावना रहेको महाशाखाले जनाएको छ।
दिउँसो कोशी, बागमती, गण्डकी, लुम्बिनी र कर्णाली प्रदेशको थोरै स्थानमा भारी देखि धेरै भारी वर्षाको सम्भावना रहेको महाशाखाले जनाएको छ|
लुम्बिनी र गण्डकी प्रदेशको एक-दुई स्थानमा अति भारी वर्षाको सम्भावना पनि छ।
साथै मधेश प्रदेशको एक-दुई स्थानमा भारी वर्षाको सम्भावना छ | मधेश प्रदेश तथा कोशी, बागमती, गण्डकी र लुम्बिनी प्रदेशको तराई भू-भागका केही स्थानमा हावाहुरीको समेत सम्भावना रहेको महाशाखाले जनाएको छ।
शुक्रबार राति बागमती, गण्डकी, लुम्बिनी, कर्णाली र सुदूरपश्चिम प्रदेशका थोरै स्थानमा भारी देखि धेरै भारी वर्षाको सम्भावना रहेको महाशाखाले जनाएको छ|
राति नै लुम्बिनी र सुदूरपश्चिम प्रदेशको एक-दुई स्थानमा अति भारी वर्षाको सम्भावना छ।
मधेश प्रदेश तथा बागमती, गण्डकी र लुम्बिनी प्रदेशको तराई भू-भागका केही स्थानमा हावाहुरीको समेत सम्भावना रहेको महाशाखाले जनाएको छ।
.JPG)
-1746009348.jpg)
