नवलपरासी बर्दघाट सुस्ता पश्चिम क्षेत्र नम्बर १ मा नेपाली कांग्रेसका उम्मेदवार विनोद चौधरीले पुन: अग्रता लिएका छन्।
निर्वाचन आयोगले सार्वजनिक गरेको पछिल्लो मतपरिणाम अनुसार विनोद चौधरीले अग्रता लिएका हुन्।
अहिले उनले ८ हजार ५८६ मत पाएका छन्।
उनका प्रतिस्पर्धी राष्ट्रिय स्वतन्त्र पार्टीका महेन्द्रसेन ठकुरी ८ हजार ३३० मतसहित दोस्रो स्थानमा छन्। यसअघि ठकुरीले अग्रता लिँदै आएका थिए। विनोद चौधरी दोस्रो स्थानमा थिए।
अहिले चौधरीले अग्रता लिएका हुन्। उनीहरूबीच २५६ मतको अन्तर छ।
त्यस्तै जनता प्रगतिशील पार्टीका हृदयेश त्रिपाठीले ६ हजार ५७२ मत प्राप्त गरेका छन्।
चौधरी पहिलोपटक प्रत्यक्ष तर्फ निर्वाचन लड्न नवलपरासी पश्चिम पुगेका हुन्।
त्रिपाठीले विगतमा पाँच पटक निर्वाचन जितिसकेका छन्।
