मतगणना जारी रहेको स्याङ्जा क्षेत्र नम्बर २ मा नेपाली कांग्रेसका उम्मेदवार धनराज गुरूङले निरन्तर अग्रता लिइरहेका छन्।
गुरूङले ११ हजार ९ सय २० मत ल्याएका छन्।
यहाँ नेकपा एमालेकी उम्मेदवार पद्माकुमारी अर्यालले ९ हजार पाँच सय २ मत ल्याएकी छन्।
राष्ट्रिय स्वतन्त्र पार्टीका उम्मेदवार टिकराज गुरूङले ५ हजार एक सय ९२ मत ल्याएका छन्।
मतगणना जारी छ।
मंसिर ४ मा मतदान भए पनि विवादका कारण स्याङ्जा २ मा मतगणना सुरू हुन सकेको थिएन। निर्वाचन आयोगको निर्णयपछि ढिला गरी मतगणना सुरू गरिएको थियो।
