प्रमुख दलले उम्मेदवारी टुंग्याइनसकेका कारण विराटनगर महानगरमा उम्मेदवारी दर्ताको पहिलो दिन अहिलेसम्म मेयरमा एक जना स्वतन्त्रको र केही वडा अध्यक्ष र सदस्यहरुले उम्मेदवारी दर्ता गरेका छन्।
विराटनगर महानगरको मेयरमा टिकट नपाउने भएपछि शनिबार मात्रै जनता समाजवादी पार्टी त्यागेको घोषणा गरेका उमेश यादवले महानगरको मेयर पदमा उम्मेदवारी दर्ता गराएका छन्।
महानगरपालिकाको वडा नम्बर ८, ९ र १० मा उम्मेदवारी दर्ता भएको छ।
जसमध्ये वडा नम्बर ९ मा नेपाल सद्भावना पार्टीका किशोरकुमार सलवारले वडाध्यक्षमा उम्मेदवारी दिएका छन् भने वडा नम्बर १० मा स्वतन्त्र उम्मेदवार माधवराज वाग्ले र वडा नम्बर ८ मा पनि स्वतन्त्र उम्मेदवार फूल महमदले उम्मेखवारी दिएका छन्।
मुख्य निर्वाचन अधिकृतको कार्यालय विराटनगरका अनुसार १० नम्बर वडामा २ जनाले र वडा नम्बर ९ मा १ जनाले वडा सदस्यमा उम्मेदवारी दर्ता गराएका छन्।
स्वतन्त्र रुपमा विभिन्न पदमा उम्मेदवारी दर्ता गर्नेहरु निर्वाचन अधिकृतको कार्यालयमा आउने क्रम जारी छ।
1650790723.jpeg)
