सिड्नीको सामुदायिक फुटबल क्लबको रूपमा चिनिएको माछापुच्छ्रे फुटबल क्लबले आफ्नो वार्षिक कार्यक्रम आयोजना गर्दै वर्षभरि खेलिएका खेल र सफलताको समिक्षा गरेको छ।
क्लबले खेलाडीको सम्मानमा आयोजना गरेको रात्रिभोजमा उत्कृष्ट खेलाडीलाई विभिन्न विधामा पुरस्कृत समेत गरेको छ।
क्लबका अध्यक्ष बिजेन बटाजुले बिना स्वार्थका लागि गरिने र आपसी सद्भावका लागि खेलिने प्रतियोगितामा योगदान दिने क्लबका खेलाडी र सहयोगीको सम्मानमा कार्यक्रमको आयोजना गरिएको बताए।
कार्यक्रममा एनएसडब्लुका महावाणिज्यदूत दीपक खड्का, एनआरएनका उपाध्यक्ष नन्द गुरुङ ,अस्ट्रेलियन नेप्लिज फुटबल संघका अध्यक्ष राजु मानन्धर,नेपाल रिक्रेयशन क्लबका अध्यक्ष विष्णु हमाल लगायतले उत्कृष्ट विधामा सम्मानित खेलाडीलाई पुरस्कृत गरेका थिए ।
