आइकारको नवीनतम विद्युतीय एसयुभी सुपर भी२३ ले विश्वप्रसिद्ध रेड डट अवार्ड: डिजाइन कन्सेप्ट २०२६ जित्न सफल भएको छ।
जर्मनीमा प्रदान गरिने यो सम्मानले आइकारको मौलिक डिजाइन क्षमता तथा भविष्यको मोबिलिटीप्रतिको दूरदर्शी सोचलाई अन्तर्राष्ट्रिय स्तरमा मान्यता दिएको छ।
सन् १९५५ मा स्थापना भएको रेड डट डिजाइन अवार्डलाई आइएफ डिजाइन अवार्ड तथा आइडिया (इन्टरनेसनल डिजाइन एक्सिलेन्स अवार्ड्स) सँगै विश्वकै तीन प्रतिष्ठित डिजाइन सम्मानमध्ये एक मानिन्छ।
उत्कृष्ट डिजाइन तथा नवप्रवर्तनलाई सम्मान गर्ने यस अवार्डलाई प्रायः 'डिजाइनको ओस्कार' भनेर पनि चिनिन्छ।
यो उपलब्धिले आइकारको मौलिक डिजाइन क्षमताको महत्वपूर्ण प्रमाण प्रस्तुत गर्नुका साथै सुपर भी२३ ले क्लासिक डिजाइन, उपयोगी इन्टेरियर स्पेस तथा बहुआयामिक प्रयोग अनुभवका क्षेत्रमा अन्तर्राष्ट्रिय स्तरका उच्च मापदण्ड पूरा गरेको पुष्टि गरेको छ।
डिजाइनका दृष्टिले सुपर भी२३ ले पूर्ण रूपमा विद्युतीय प्लेटफर्मका विशेषताहरूलाई उपयोग गरेको छ।
यसको फोर–ह्विल–एट–द–कर्नर्स लेआउट, ४३ डिग्री एप्रोच एङ्गल, ४१ डिग्री डिपार्चर एङ्गल तथा २१० मिमी ग्राउन्ड क्लियरेन्सले यसलाई बलियो र अफ–रोड क्षमतायुक्त स्वरूप प्रदान गरेको छ।
झण्डै १:१ चौडाइ–उचाइ अनुपात, बक्स आकारको बाह्य संरचना तथा स्पष्ट रेखाहरूले गाडीलाई अझ मजबुत र आकर्षक बनाएका छन्।
हाल विश्वव्यापी रूपमा बक्सी डिजाइनप्रतिको आकर्षण पुनः बढिरहेको छ।
परम्परागत सोचभन्दा फरक, स्वतन्त्र र मौलिक डिजाइन दर्शनका कारण सुपर भी२३ ले प्रतिष्ठित अन्तर्राष्ट्रिय पुरस्कारसँगै उपभोक्ताहरूको समेत व्यापक प्रशंसा प्राप्त गरिरहेको छ।
आगामी दिनमा पनि आइकारले नवप्रवर्तन तथा मौलिक डिजाइनलाई केन्द्रमा राख्दै युवा पुस्ताका लागि विशिष्ट मूल्य प्रदान गर्ने उत्पादनहरू विकास गर्ने प्रतिबद्धता व्यक्त गरेको छ।
यस दर्शनलाई विश्वव्यापी 'राइड टु चियर' अभियानमार्फत व्यवहारमा उतारिएको छ, जसअन्तर्गत आउटडोर यात्राहरू, कस्टमाइजेसन टुरहरू तथा सोरुम अनुभवहरूमार्फत ग्राहकहरूसँग रमाइला क्षणहरू साझा गरिँदै आएको छ।
