हालै सार्वजनिक बजेटपछि सांग्रिला मोटर्सद्वारा नेपालमा आधिकारिक रूपमा वितरित लिपमोटरका प्रिमियम इलेक्ट्रिक एसयुभीहरू—बी१० र सी१० को ग्राहक बुकिङ र सवारी डेलिभरीमा उल्लेख्य वृद्धि भएको छ।
यस उच्च मागले बजारमा ठूलो संख्यामा नयाँ अर्डर र तीव्र रूपमा गाडी डेलिभरी गराएको छ, जसले प्रतिस्पर्धी नेपाली बजारमा लिपमोटरको सुरक्षा, रेन्ज र मूल्यको उत्कृष्ट संयोजनप्रति उपभोक्ताहरूको बढ्दो रोजाइलाई झल्काउँछ।
ब्रान्डको हालको यो उत्साहजनक गति यसका उत्कृष्ट उत्पादनहरूका कारण सम्भव भएको हो।
यसको नेतृत्व प्रिमियम लक्जरी एसयुभीको उत्कृष्ट ड्राइभिङ अनुभूति प्रदान गर्ने सी१० र आकर्षक मूल्य ५४ लाख ९९ हजार रूपैयाँ (पहिलेको ६० लाख रूपैयाँबाट ५ लाख रूपैयाँ घटाइएको) मा उपलब्ध बी१० ले गरेका छन्।
यी दुवै पूर्ण-इलेक्ट्रिक प्रिमियम एसयुभीहरू प्रतिष्ठित युरो एनक्याप-५ स्टार सेफ्टी रेटिङ प्राप्त गाडीहरू हुन् जसले यात्रुहरूलाई विश्व-स्तरीय सुरक्षाको प्रत्याभूति दिन्छन्।
यसका साथै, बी१० मा ६०० किलोमिटरको सिएलटिसी रेन्ज, सपेर टायर साथै अन्य थुप्रै फिचर छन्।
जसले गर्दा यो दैनिक यात्रा तथा लामो दूरीका यात्राहरूका लागि अत्यन्तै भरपर्दो साबित हुने कम्पनीको दाबी छ।
लिपमोटर ब्रान्डप्रति ग्राहकहरूको यो बढ्दो रुचि आगामी दिनमा नेपाली बजारमा आउन लागेको नयाँ मोडल 'लिपमोटर बी ०३' का लागिसमेत एउटा सकारात्मक संकेत हो।
विश्वव्यापी रूपमा प्रख्यात स्टेलान्टिस समूहको बलियो साथ पाएको लिपमोटरको बजेटपछिको यो उत्कृष्ट प्रदर्शनले यसको उज्ज्वल भविष्यलाई प्रस्ट पार्छ।
साथै, ब्रान्डले नेपाली बजारमा आफ्नो उपस्थिति बलियो बनाउँदै भरपर्दो इलेक्ट्रिक गाडीहरू उपलब्ध गराउने कार्यलाई निरन्तरता दिइरहेको छ।
