'आइएमई पे' ले आइफोन १४ जित्न सकिने नयाँ अफर ल्याएको छ।
'१४ रुपैयाँमा आइफोन १४' नामक सो अफर आज (बिहीबार) देखि आगामी असार ३० गतेसम्म लागू हुने कम्पनीले बताएको छ।
सो अफरमा ग्राहकले आइएमई पे को 'रू १४ मा आइफोन १४' देखिएको ब्यानरमा गई सो गेम खेल्न सक्नेछन्।
यो गेम ग्राहकले जति पटक पनि १४ रुपैयाँ तिरेर खेल्न पाउने कम्पनीको भनाइ छ।
आइफोन जित्ने ग्राहकको आइएमई पेबाट काटिएको रकम फिर्ता हुँदैन भने नजित्ने ग्राहकले प्रयोग गरेको रकम अफर सकिएको एक हप्ताभित्र आइएमई पे मा फिर्ता हुनेछ।
